Abdullahu – VV’së e LDK’së: Dreqi ju marrtë, po keni nge të bëni pazare e amerikanët na zunë ‘zgbaim’ me linjën ajrore

Analisti politik, Faton Abdullahu, tregohet mjaft i ashpër në një shkrim në Facebook, duke komentuar marrëveshjen e fundit për hapjen e linjës ajrore mes Prishtinës dhe Beogradit. Ai thotë se askush nuk po merret me efektet e saj sepse Lëvizja Vetëvendosje dhe LDK kanë shumë ‘nge’ (kohë v.j) dhe nuk po iu ngutet për asgjë.

Abdullahu pyet ‘edhe sa zhvillime do ndodhin derisa VV e LDK bëjnë Pazar se kush do t’i fitojë 8 ministri’ e shkrimin e përfundon me ‘dreqi ju marrtë’.

Ai shkruan:

Nuk po nguten amerikanët me vijën ajrore Prishtinë -Beograd, por ne po vonohemi për ta bërë qeverinë për negociata

Cilat janë të mirat e hapjes së paralajmëruar të vijës ajrore Prishtinë – Beograd ? A ka dhe cilat janë efektet negative të kësaj marrëveshje që duhet të bëhet ? A ishte krejt kjo marrëveshje deri më tani transparente? S’kemi përgjigje. Krejt kjo na ra zgabim, gon, paprit. E në ndërkohë LV dhe LDK e kanë marrë ngeshëm. Nuk po ju ngutet qe gati katër muaj. Po zihen për një ministri, për krye parlamentarin, po bëjnë blof, për të përfituar sa më shumë, Po sulmojnë e fajsojnë njëri tjetrin shumë për të përfituar nga shteti edhe ma shumë.

Kanë harruar LV dhe LDK se amerikanët na kanë thënë duhet të ngutemi me zgjedhjet që të hyjmë në dialog me Serbinë pa u vonuar. Amerikanët e dinë pse duhet të ngutemi, pse është në të mirën tonë dhe të tyre që të ngutemi. Ata na kanë treguar, na kanë dal ‘hakshit’ ‘fer enough’. Tani edhe po vonohemi për dialogun edhe po ankohemi, açfarë paskan bërë kështu amerikanët me vijën ajrore. Ju kujtohet, Albin Kurti menjëherë pas fitores në takimin e parë me Ambasadorin Kosnet i tha atij ‘nuk e kemi prioritet dialogun me Serbinë, nuk e kemi me nxitim këtë çështje për më shumë shtoj ‘do t’i rishqyrtojmë ato që janë nënshkruar deri më tani’.

Kjo vonesë nga LV – LDK është tragji-komike. Edhe sa zhvillime të tjera janë duke ndodhur e do të ndodhin përbrenda periudhës deri sa LV dhe LDK bëjnë pazar se kush sa do të fitoj për 8 vitet e ardhshme. Dreqi ju marrtë.