2 orë më parëA po planifikon Albin Kurti ta djegë Konjufcën, për t’ia rikthyer LDK-së kryeparlamentarin?
Periskopi(6 vite më parë)
(6 vite më parë)Tash e dy javë, Glauk Konjufca u zgjodh me shumicë të votave të deputetëve në pozitën e kryetarit të Kuvendit të Kosovës, por edhe pse kanë kaluar 2 javë, ai ende nuk e ka emëruar asnjë këshilltar apo staf tjetër në kabinetin e tij. Burime të Periskopit brenda Kuvendit të Kosovës bëjnë të ditur se […]
Burime të Periskopit brenda Kuvendit të Kosovës bëjnë të ditur se kryeparlamentari Glauk Konjufca ende nuk i ka ofruar Administratës së Kuvendit asnjë emër për ta pajisur me kontratë pune, duke u thënë se është ende në pritje.
Të njëjtat burime kanë treguar se Konjufcën në Kuvend po e shoqëron vetëm një aktiviste e Vetëvendosjes, edhe ajo pa kontratë pune, ndërsa për disa ditë në emër të kabinetit të tij është sjellur nëpër Administratën e Kuvendit, Salih Zyba i Vetëvendosjes.
“Kryeparlamentarit të ri i është ofruar mundësia që të sjell emrat e stafit të tij që t’u pëgatiteten kontratat e punës, por deri tani ende nuk ka ofruar asnjë emër”, ka thënë burimi i Periskopit brenda Kuvendit.
Mësohet se kryeparlamentari Konjufca e ka prolonguar formimin e kabinetit të tij me kërkesë të pretendetit për kryemi istër, Albin Kurti, pas rinisjes së negociatave me LDK, duke lënë të mundshme mundësinë që pozita e Kryeparlamentarit mund ti rikthehet LDK-së, në rast të ndonjë marrëveshje të re për koalicion.
Edhe në uebfaqen e Kuvendit të Kosovës shihet se komplet pjesa e stafit të kryeparlamentarit është e zbrazët pa ndonjë emërim, ndërkohë që Konjufca, i vetëm, po mbanë disa takime protokollare duke pranuar urime për pozitën e tij të re.
Në fotografitë që po i prezanton Kuvendi i Kosovës në uebfaqen zyrtare, Konjufca shihet se po i respekton me përpikmëri simbolet e Republikës së Kosovës, të cilat prej vitit 2008 Vetëvendosje i kishte cilësuar si logo të Kosovapetrollit.
