5 orë më parë49 aktakuza për 24 orë
Periskopi(6 vite më parë)
(6 vite më parë)Prokurori i Shtetit njofton opinionin se gjatë 24 orëve të fundit janë ngritur 49 aktakuza kundër 62 personave, për vepra të ndryshme penale. Po ashtu, me urdhër të prokurorit të shtetit janë ndaluar për 48 orë persona, shtatë (7) persona si dhe janë bërë pesë (5) kërkesa për caktimin e paraburgimit për pesë (5) persona, […]
Po ashtu, me urdhër të prokurorit të shtetit janë ndaluar për 48 orë persona, shtatë (7) persona si dhe janë bërë pesë (5) kërkesa për caktimin e paraburgimit për pesë (5) persona, të dyshuar se kanë kryer vepra të ndryshme penale.
Prokuroria Speciale e Republikës së Kosovës, ka ngritur aktakuzë në Gjykatën Themelore në Prishtinë- Departamenti Special, kundër V.K dhe F.D., për veprën penale “Organizimi dhe pjesëmarrja në grup terrorist” nga neni 143 paragrafi 2 të KPRK-së, neni 3 të Ligji nr.05/L-002, për Ndalimin e bashkimit në konflikte të armatosura jashtë territorit të vendit.
Prokuroria Themelore në Prishtinë, gjatë 24 orëve të fundit, me urdhër të prokurorit kujdestar, ka ndaluar dy (2) persona të dyshuar, po ashtu, kjo prokurori ka paraqitur tri (3) kërkesa për caktimin e masës së paraburgimit për tre (3) persona të dyshuar për vepra të ndryshme penale, si dhe ka ngritur dymbëdhjetë (12) aktakuza kundër gjashtëmbëdhjetë (16) personave për vepra të ndryshme penale.
Prokuroria Themelore në Prizren, gjatë 24 orëve të fundit, pranë Gjykatës kompetente ka parashtruar një (1) kërkesë për caktimin e masës së paraburgimit për një (1) person.
Ndërsa, nga kjo prokurori janë ngritur dymbëdhjetë (12) aktakuza kundër pesëmbëdhjetë (15) personave për vepra të ndryshme penale të parapara në Kodin Penal të Republikës së Kosovës (KPRK).
Prokuroria Themelore e Pejës, gjatë datës 24 orëve të ka ngritur gjithsej njëmbëdhjetë (11) aktakuza, kundër njëmbëdhjetë (11) personave.
Prokuroria Themelore në Gjilan, në dy raste të ndara ka ndaluar katër (4) persona të dyshuar, ka paraqitur një (1) kërkesë për caktimin e masës së paraburgimit, ndaj një (1) personi dhe ka ngritur pesë (5) aktakuza, kundër shtatë (7) personave.
Brenda 24 orëve, Prokuroria Themelore në Mitrovicë ka ngritur gjashtë (6) aktakuza kundër gjashtë (6) personave, për vepra të ndryshme penale.
Prokuroria Themelore në Ferizaj, gjatë 24 orëve të fundit, ka ndaluar një (1) person të dyshuar dhe ka ngritur dy (2) aktakuza kundër pesë (5) personave për vepra të ndryshme penale.
