Ymeri: Me anë të fondit zhvillimor do të hapen 25 deri në 30 mijë vende pune

Ymeri ka shpjeguar programin e koalicionit AAK-PSD për zhvillimin ekonomik në vend dhe sipas tij ajo do të ndodhë përmes Fondit Zhvillimor.

“Nëse vazhdohet me të njejtin tempo atëherë rritja ekonomike nuk mund të këtë përshpejtim. Fondi zhvillimor si institucion i cili do të krijoj qasje më të lehtë për bisneset që hapen ose që janë aktive,  është qelsi i zhvillimit ekonomik. Do të jetë i pavarur i themeluar nga Kuvendi, bizneseve të mund t’i rrinsin investimet e veta dhe ti delegojmë që të eksportojnë për jashtë vendit” ka thënë ai në Debat Plus.

Tutje ai theksoi se ata do të fokusohen edhe në ‘investimet në kompani të cilat merren me shërbime dhe me teknologji të informacionit’.

Sipas Ymerit pas themelimit të këtij fondi, bizneset aktive por edhe ato që do të hapen do ta kenë të lehtë dhe do të këtë një zhvillim ekonomik që do të shkoj deri në 7-9% rritjes ekonomike e që do të hapen deri në 25-30 mijë vende pune./Periskopi/