Vuçiq: Marrëveshja me Prishtinën mund të arrihet për 5 muaj, 50 vjet ose kurrë

Kreu i shtetit serb duke iu përgjigjur pyetjes së TV Prva kur mund të pritej një marrëveshje, tha se ai nuk mund të flasë për këtë  gjë “në një mënyrë të tillë”, transmeton Klan Kosova.

“Nuk mund të flas në atë mënyrë. Nuk është çështja nëse mund të bëhet në pesë muaj ose 50 vjet, por ndoshta edhe kurrë,” tha ai.

Vuçiq theksoi se situata lidhur me çështjen e Kosovës është e vështirë, e ndërlikuar dhe komplekse, por sipas tij Serbia në “kuptim taktik” po lëviz gjithçka që mundet për ta bërë një pozitë më të favorshme për popullin serb në vend, transmeton Klan Kosova.

Kryetari i Serbisë, Aleksandar Vuçiq për një zgjidhje me Kosovën foli të enjten edhe në Asamblenë e Përgjithshme të Kombeve të Bashkuara në New York.