Vjosa Osmani i mëshon Kurtit: S’duhet ta lusim që ta pranojë Kosovën, ai ka frikë nga pushteti

Osmani ka ngacmuar Kurtin duke thënë që ai ka pasur frikë nga pushteti dhe se partia e tij duhet t’i ndalojë sulmet të cilat i ka quajtur “të poshtra” nga anëtarët e partisë së tij.

Ajo ka mohuar mundësinë që partia e saj të bëj koalicion me Partinë Demokratike të Kosovës, duke thënë që këtë mund ta bëj Kurti duke qenë se ai e ka cilësuar këtë parti si konstante të pushtetit në vend, shkruan Periskopi.

Më tej, ish deputetja Osmani ka qenë tepër e ashpër edhe për qëndrimet e Kurtit ndaj Republikës së Kosovës. “Ne nuk duhet ta lusim z.Kurti që ta pranojë Kosovën, ai tashmë i ka ndryshuar qëndrimet në gjithçka, përveç dëshirës për pushtet por ne kemi sakrifikuar shumë për këtë shtet dhe s’e kemi ndërmend ta lusim për ta njohur Republikën e Kosovës” – ka thënë ajo.

Zonja Osmani po ashtu ka deklaruar që “nuk i bindet asnjë burri” duke sulmuar logjikën e Vetëvendosjes që e vendoste atë në pozitën e kryeparlamentares. /Periskopi