Visar Ymeri tallet me autobusin e PDK-së dhe flet për autobusët e partive tjera

Kandidati për deputet nga radhët e koalicionit AAK-PSD, Visar Ymeri ka folur sot në tubimin e këtij koalicioni në Istog. Ai ka përmendur reklamën e PDK-së me autobus.

“Dje, tu i këqyr do reklama në televizor, më dul një reklamë me një autobus që ish prishë në rrugë, edhe i pashë ishin dalë krejt PDK-ja edhe e shtyjshin përmas. U mundojshin me e çu në breg, thash vet me vete jo jo, s’merret rruga me autobus të prishtë ashtu. Po, le te shtyjnë se kanë vakt. Ka me pasë zgjedhje edhe pas 4 vjete”, tha ai.

Mirëpo, Ymeri nuk la pa thumbuar as partitë tjera, duke përdorur analogjinë e autobusit. “E kemi edhe LDK-në. Ata nja 1 muaj kanë fol mes vete se kush me e vozitë autobusin. Me që nuk mundën me u marr vesh, thanë le te mban Isa vollanin, le t’i ndërron shpejtësitë Lutfi Haziri e Vjosa le t’i jep gas. Nuk ec autobusi ashtu”, tha Ymeri. “Edhe i kemi këta të VV-së, këta shokët e mi. Ata përnime autobusin nuk e kanë vozitur kurrë por e kanë njëfarë veture të vogël atje në Prizren”, tha ai.