Vetura godet çiklistin dhe ikën nga vendi i ngjarjes

Një aksident ka ndodhur sot në Gllamnik të Podujevës, ku vetura ka goditur çiklistin dhe ka ikur nga vendi i ngjarjes.

Si pasojë e këtij aksidenti çiklisti ka mbetur i lënduar.

Lajmin për Klan Kosova e ka konfirmuar Flora Ahmeti, zëdhënëse e Policisë për rajonin e Prishtinës.

“Sot rreth orës 15:30 kemi pranuar informatën për një aksident trafiku në fshatin Gllamnik të Podujevës. Në aksident kanë qenë të përfshira një automjet dhe një biçikletë (automjeti ka ikur nga vendi i ngjarjes). Si pasojë e aksidentit, çiklisti ka marrë lëndime të lehta trupore. Me rastin po merret njësiti i trafikut”, ka thënë Ahmeti.