Veseli: Si Kryeministër do t’i ndryshoj prioritetet e Qeverisë për t’iu ofruar të rinjve të ardhme

Kandidati i PDK-së për Kryeministër, Kadri Veseli, ka mbajtur disa tubime me qytetarë në Mitrovicë.

Ai ka thënë se bashkëvendësit e tij, si asnjëherë më parë, janë në përkrahje të Partisë Demokratike të Kosovës.

“Mitrovica e ka bërë hapin e parë drejt fitores së 6 tetorit, kësaj dite historike për Kosovën. Bashkëvendësit e mi, si asnjëherë më parë, janë në përkrahje të Partisë Demokratike të Kosovës.
Ne do ia kthejmë shpresën rinisë sonë, sepse e kemi guximin, vendosmërinë dhe planin e duhur për ta bërë këtë.
Si Kryeministër do t’i ndryshoj prioritetet e Qeverisë dhe do t’u ofroj të rinjve një të ardhme këtu. Do t’i mbështesim më shumë ndërmarrësit e rinj dhe do të investojmë në kompani të reja, duke mos i ngarkuar ato me taksa.
Ne do ta luftojmë korrupsionin dhe do të hapim vende të reja të punës në Mitrovicë dhe anekënd Kosovës.
Qyteti im i dashur, numri 112 është numri i shpëtimit. Votoni Partinë Demokratike të Kosovës! #PDK112”, ka shkruar Veseli.