Vataj: Të gjitha partitë duhet ta bëjmë një strategji kombëtare për ngritjen e cilësisë në arsim

Ramë Vataj nga radhët e PDK-së ka thënë se të gjitha partitë duhet të ulen së bashku që të krijojnë një strategji kombëtare për të rritur cilësinë në arsim, dhe të mos lëvizet nga ai program.

“PDK-ja e sheh zhvillimin e arsimit një nga prioritetet, përmirësimi në arsim mund të bëhet vetëm përmes një strategjia në të cilën do të përfshiheshin të gjitha partitë. Gjithnjë ka pasur interferime. PDK-ja sa ka qenë në qeverisje i ka pas të nivelit të lartë akademikë të gjithë ministrat”, ka thënë ai.

Në Rubikon ai ka shtuar se, “ne kemi bërë rregullimin e infrastrukturës, pasi ato kanë qenë një kontejner. Pastaj ka pasur edhe ngritje të pagave për mësimdhënësit”.

Ai thotë se është çështje shumë e vështirë ngritja e cilësisë, e duhet që të gjithë së bashku të punojnë për këtë.

“Ngritja e cilësisë është çështje shumë e rëndë. PDK-ja e ka kapacitetin e fuqinë të ndryshojë shumë gjëra. Ne duhet me e pas një strategji kombëtare e të ulemi të gjitha partitë bashkë dhe të mos lëvizim nga ai program. Ministria e Arsimit duhet ta ketë një njeri që ka edhe dije edhe guxim”, ka thënë Vataj.