2 orë më parëTrump reagon ndaj nisjes së procedurave për shkarkimin e tij
Periskopi(7 vite më parë)
(7 vite më parë)Presidenti amerikan Donald Trump ka reaguar menjëherë pasi Demokratët kanë bërë të ditur se do të hapin një “hetim zyrtar të fajësisë” ndaj tij, për pretendimet se ai kërkoi ndihmë politike nga Ukraina. Siç është raportuar, ka qenë Nancy Pelosi ajo që ka deklaruar një veprim të tillë, duke thënë se “Presidenti duhet të mbahet […]
Siç është raportuar, ka qenë Nancy Pelosi ajo që ka deklaruar një veprim të tillë, duke thënë se “Presidenti duhet të mbahet përgjegjës. Askush nuk është mbi ligjin”.
Përmes një reagimi në Twitter, përcjell Telegrafi, Trump ka thënë: “Një ditë e tillë e rëndësishme në Kombet e Bashkuara, kaq shumë punë dhe kaq shumë sukses, dhe demokratët me qëllim duhej ta prishnin këtë… Sa keq për vendin tonë!”.
Siç shkruan BBC, vendimi i kryedemokrates Nancy Pelosi pason kërkesat në rritje nga partia e saj.
Ish-nënpresidenti i SHBA, Joe Biden, aktualisht kandidat për president, i bëri thirrje Presidentit Trump që të bashkëpunojë plotësisht me hetimet e Kongresit mbi telefonatën që ka patur me presidentin ukrainas në të cilën thuhet se i ka bërë presion bashkëbiseduesit për të hetuar djalin e tij, Hunter. Përndryshe, shtoi zoti Biden, ai rrezikon të largohet nga posti.
Ndryshe, Trump ka mohuar pasaktësinë, por ka pranuar se ka diskutuar rreth rivalit politik Joe Biden me presidentin ukrainas.
Siç shkruan tutje BBC, asnjë president amerikan nuk është hequr ndonjëherë nga detyra nga “hetimi zyrtar i fajësisë”.
Such an important day at the United Nations, so much work and so much success, and the Democrats purposely had to ruin and demean it with more breaking news Witch Hunt garbage. So bad for our Country!
— Donald J. Trump (@realDonaldTrump) September 24, 2019
