6 orë më parëTema që e bëri lëmsh Amerikën: Presidenti Trump e pranon se foli për Bidenin me presidentin e Ukrainës
Periskopi(7 vite më parë)
(7 vite më parë)Presidenti amerikan Donald Trump ka konfirmuar se ka ngritur temën e ish zëvendës-presidentit Joe Biden dhe të birit të tij në një telefonatë në muajin korrik me presidentin ukrainas Volodymyr Zelensky. Z.Trump po përballet me akuzat se i bëri presion homologut të tij ukrainas që të hetonte rivalin e tij potencial për zgjedhjet e vitit […]
Z.Trump po përballet me akuzat se i bëri presion homologut të tij ukrainas që të hetonte rivalin e tij potencial për zgjedhjet e vitit 2020.
Por pranimi i tij për këtë telefonatë ka rritur thirrjet në mesin e Demokratëve për të nisur procedurat e përndjekjes penale të tij në Kongres, shkruan BBC, përkthen Periskopi.
Adam Schiff, një Demokrat i lartë, tha që z.Trump mund të ketë “kaluar Rubikonin”.
Z.Schiff më herët kishte qenë kundër ndjekjes penale për presidentin e ShBA-ve.
Çka fshihet në prapavijë?
Hunder Biden ka shërbyer si drejtor i një kompanie gazi natyror në Ukrainë ndërsa babai i tij ishte zëvendësi i presidentit Barack Obama dhe kishte rol domethënës në politikat amerikane në Ukrainë.
Biden është kryesuesi i garës së Demokratëve për të fituar nominimin për president për t’i dalë kundër z.Trump në zgjedhjet e vitit 2020.
Çështja nëse Trump i ka bërë presion homologut të tij ka qenë tema më e nxehtë e ditëve të fundit në Shtetet e Bashkuara.
Kjo nisi kur një medium amerikan zbuloi që një pjesëtar i inteligjencës kishte bërë ankesë për bisedat e z.Trump me një lider të huaj në telefon dhe pas një “premtimi” që i kishte bërë. /Periskopi
