5 orë më parëTahiri: Taksa ka ndikuar në rritjen e vendeve të punës – korrigjimi i kufirit ide e Vuçiqit
Periskopi(7 vite më parë)
(7 vite më parë)Kandidati për deputet nga AAK, Besnik Tahiri, ka thënë se taksa 100% për produktet nga Serbia është vendimi më i mirë i shtetit të Kosovës, pas atij për themelimin e ushtrisë. “Të gjithë ata që flasin për taksën aman-zaman pyetini prodhuesit, pyetni cili është efekti i taksës. Janë shtuar ndërrimet nëpër fabrika. Evidencën që e […]
“Të gjithë ata që flasin për taksën aman-zaman pyetini prodhuesit, pyetni cili është efekti i taksës. Janë shtuar ndërrimet nëpër fabrika. Evidencën që e kemi nga Ministria e Tregtisë tregon se është shtuar numri i punëtorëve. Po të kishte qenë vendim i keq, nuk kish dalë Vuçiq të thotë aman-zaman hiqeni taksën”, ka thënë Tahiri.
“Taksa përveç efektit politik, efektin ekonomik e ka të jashtëzakonshëm. Ata eksportojnë 600 milionë në Kosovë, kurse në Serbi 60 milionë. Për çfarë reciprociteti po flasim? Për 20 vjet e kanë mjel tregun e Kosovës dhe me ato para e kanë fuqizuar konceptin e tyre kundër Kosovës”.
“Dialogu është i pakontestueshëm sepse Kosova më nuk do të shkojë në luftë. Ramushi më së paku e do luftën. Askush që ka qenë në luftë nuk e do luftën. S’ka tjetër përveç dialogut, por duhet të prodhojë efekte të barabarta”.
Sipas Tahirit Serbia dëshiron zhvillimin e dialogut që të shkojë më shpejt drejt BE-së mbi kurrizin e Kosovës.
“Korrigjimi i kufirit është ide e Aleksandër Vuçiqit. AAK dhe Kryeministri Haradinaj e heqim taksën atëherë kur na njeh Serbia. Në asnjë rrethane tjetër nuk guxojmë ta heqim. Ata po kërkojnë të iu japim diçka, por ne duhet të jemi stoik në raport me taksën”.
