8 orë më parëSulmi në naftën arabe: Rouhani i quan “përgojues” amerikanët që po e fajësojnë Iranin
Periskopi(7 vite më parë)
(7 vite më parë)Presidenti iranian, Hassan Rouhani, ka përshkruar pretendimet e amerikanëve për përfshirjen e vendit të tij në sulmet shkatërruese në impiantet e prodhimit të naftës në Arabi Saudite si përgojuese dhe vazhdimësi të fushatës së Washingtonit për të izoluar dhe vënë nën presion Iranin. Në një video-adresim provokues, Rouhani vazhdoi të insistonte që sulmet ishin kryer […]
Në një video-adresim provokues, Rouhani vazhdoi të insistonte që sulmet ishin kryer nga rebelët Houthi në Jemen, dhe fajësoi Arabinë Saudite nga fillimi i luftës katër-vjeçare aty, shkruan The Guardian, përkthen në shqip Periskopi.
Irani po ashtu tregoi se i kishte dërguar një notë zyrtare ShBA-ve përmes ambasadës zvicerane në Teheran, duke thënë që do të përgjigjej menjëherë pas çdo sulmi që do të mund të kryhej kundër tyre dhe se horizonti i kësaj përgjigjeje ushtarake nuk do të kufizohej brenda burimit të kërcënimit.
Presidenti iranian po ashtu u mundua ta shfaqte regjimin në Arabi Saudite si agresorin e vërtetë në Jemen: “Ne nuk duam luftë në rajon… Kush e nisi luftën? Nuk e nisën jemenasit. Ishte Arabia Saudite, Emiratet, Amerika, disa vende të caktuara evropiane dhe regjimi zionist (izraeli).”
Rouhani më tej deklaroi që rebelët Houthi i kishin bombarduar impiantet arabe të naftës si paralajmërim pas sulmeve që këta të fundit kishin bërë në spitale, shkolla dhe pazare në Jemen.
Vendet evropiane edhe pse e kanë dënuar sulmin në fjalë nuk janë ngutur ta bëjnë askënd fajtore. Ishin pikërisht rebelët Houthi ata që e morën përgjegjësinë. /Periskopi
