Shyqiri Bytyqi: Do ta realizojmë 100 % të programit tonë

Shyqiri Bytyqi, kandidat për deputet nga koalicioni AAK-PSD, ka thënë se se pas 6 tetorit ky koalicion do ta realizojë programin e vet 100 për qind. Në një takim me qytetarë të Prishtinës, Bytyqi është shprehur i bindur se ky koalicion do të arrijë ta realizojë në tërësi programin e vet sepse përvec që është më i realizueshmi, ka edhe ekipin më të mirë.

“Ato që i kemi shkruar në program mund të lexohen nga secili qytetar dhe janë të realizueshme, sepse është përzgjedhur ekipi më i mirë dhe ka bashkëpunim të shkëlqyer në mes të dy partive tona.Kur ka vullnet të mirë, dije dhe përkushtim mund të realizohen të gjitha ato që janë shkruar në program! Para qytetarëve të pranishëm në Shkollën Fillore “Naim Frashri” u zotuam se do ta realizojmë programin 100%!”, ka shkruar Bytyqi në rrjetin social Facebook.