Rreziku nga tërmetet, Mustafa: Që nga paslufta ndërtesat në Kosovë nuk përfshijnë fare komponenta të sizmikës

Në këtë kategori, Mustafa ka deklaruar në Magazinën Zgjedhore se Kosova për dallim nga Shqipëria është më e avancuar.

”Kosova me Shqipërinë është larg çështjeve të ndërtimit sepse jemi më të avancuar. Të gjithë investitorët edhe komuna janë të informuar me hartën e rrezikut sizmik, dhe janë të informuar shumë mirë se në sa ballë duhet të ndërtohen objektet për zonat që kanë aktivitet sizmik më të lartë. Kur është çështja e ndërtimeve një pjesë është 8 ballë dhe një është 9 ballë dhe sa iu janë përfillë këtyre parametrave, nuk e di sepse nuk jam kompetent. Por duhet të merren parasysh këto kritere, pasi tërmetet ndodhin çdo ditë, dhe ne nuk mund ta kthejmë jetën e njerëzve”.

”Ne duhet t’ju përfillemi kritereve të hartës së rrezikut sizmik. Tek ne zakonisht në Ballkan injorohet. Ajo është një studim i Tokës që jep parametra: është faktori i dheut, perioda dhe frekuencat. Këta tre faktorë duhet të përfillen kur ka tërmete. Ky është një tërmet shumë i lartë e nëse nuk janë përfillë këta faktorë ai shkatërron ndërtesat tetëkatëshe”.

Mustafa tha se udhëzimi administrativ i studimit sizmiologjik, është elementi bazë që shërben për ndërtimin e objekteve të kategorisë 9 ballësh, njofton Klan Kosova.

”Ky udhëzim administrativ është miratuar para pesë muajsh, është i rëndësishëm dhe është i gatshëm për çdo komunë. Është elementi bazë për të filluar ndërtimin dhe është në fuqi nga katër – pesë muajt e fundit. Më herët e tregova për ndërtimet ekzistuese dhe në bazë të disa parametrave mikrozonimi sizmik vlerëson nëse duhet të forcohet apo të rrënohet një ndërtesë”.