4 orë më parëPranon fajin për uzurpim prone, dënohet me gjobë dhe urdhërohet lirimi i banesës në Mitrovicë
Periskopi(7 vite më parë)
(7 vite më parë)Gjykata Themelore në Mitrovicë, të premten, e ka shpallur fajtor dhe e ka dënuar me 350 euro gjobë të akuzuarin për uzurpim të paligjshëm të pronës së paluajtshme, Dragomir Elezoviq. Po ashtu, gjykata e ka urdhëruar të pandehurin që brenda 15 ditësh nga plotfuqishmëria e aktgjykimit të lirojë banesën e uzurpuar në Mitrovicë, raporton “Betimi […]
Po ashtu, gjykata e ka urdhëruar të pandehurin që brenda 15 ditësh nga plotfuqishmëria e aktgjykimit të lirojë banesën e uzurpuar në Mitrovicë, raporton “Betimi për Drejtësi”.
Krahas kësaj, Elezoviq është ngarkuar edhe me paushallin gjyqësor në shumën prej 20 euro, si dhe me obligimin që për fondin e kompensimit të viktimave të paguajë 30 euro.
Këtë aktgjykim, gjykatësi Rrahaman Beqiri, e ka shpallur pasi paraprakisht i akuzuari e ka pranuar fajësinë të premten në seancën e shqyrtimit fillestar.
Gjykatësi Beqiri, e ka njoftuar palën e dëmtuar me të drejtën e saj në kërkesën pasurore juridike dhe e ka udhëzuar në kontest civil.
Të pandehurin, gjykatësi e ka njoftuar me të drejtën e tij në ankesë sa i përket lartësisë së dënimit.
Ndryshe, Prokuroria Themelore në Mitrovicë, me 17 prill 2019, kishte ngritur aktakuzë ndaj Dragomir Elezoviq.
Sipas aktakuzës, i pandehuri Elezoviq, prej datës dhe muajit të pacaktuar të vitit 2017, e tutje, në Mitrovicë, kishte uzurpuar banesën pronë e Avdi Surdulli, në sipërfaqe prej 61.83 m2, të cilën i pandehuri e kishte shfrytëzuar në mënyrë të kundërligjshme.
Me këtë, ai akuzohet se ka kryer veprën penale “uzurpim i paligjshëm i pronës së paluajtshme”, nga neni 332 par 1 të KPRK-së.
