2 orë më parëPërmbledhja javore: Programi qesharak i Kurtit dhe shfrenimi histerik pas numrit 126
Periskopi(7 vite më parë)
(7 vite më parë)Të mërkurën e kësaj jave nisi ZYRTARISHT fushata e zgjedhjeve të parakohshme të 6 tetori. Jo-zyrtarisht fushata në fakt nuk mbaron për asnjë ditë të vetme – ajo u zhvillua në çdo orë të jetës sonë në 20 vitet e fundit. Dhe për çudi, qytetarët e Kosovës vazhdojnë të kenë interes për spektaklin në fjalë. […]
Në fakt, fjala fushatë ka një varg përdorimesh në shumë fusha. Fushata për të pastruar vendin. Ose fushata kundër terrorizmit. Fushata ushtarake në filan vendi. Fushata kundër informalitetit. Fushata për këtë e për atë. Por, në vendin tonë, fushata është fjalë që përdoret kryesisht në kuptimin zgjedhor. Pra, jemi zyrtarisht në fushatë zgjedhore.
Ky zyrtarizim bëri që hapësirat publike të vendit, por edhe ato digjitale, të mbusheshin me posterë të kandidatëve për kryeministra e deputetë.
Një pjesë e madhe e qytetarëve që nuk besojnë se mund të ndodh ndonjë ndryshim, kishin vendosur t’i shisnin votat e tyre HAPTAS në faqen Merr-Jep.
Çelja më dramatike e fushatës u bë nga Albin Kurti në Mitrovicë. Në mbarim të fjalimit të tij ku përsëriti fjalët e mëhershme, ai e brohoriti pesëmbëdhjetë [15] herë numrin e partisë së tij. Një shfrenim i tillë u pa me habi edhe nga vetë bashkëpartiakët e tij, që të hutuar s’dinin çka të bënin.
[if lt IE 9]><![endif]
Por, shfrenimi i Kurtit është epitoma e fushatave zgjedhore në vitet e fundit: përsëritje deri në marrëzi të gjërave të njëjta. Asnjë ide serioze për zgjidhjen e problemeve të qytetarëve.
Në shpalosjen e programit të tij në emisionin Jeta në Kosovë, Kurti ishte qesharak në përpjekjen për të justifikuar raportin e Agim Bahtirit dhe Mytaher Haskukës me korrupsionin. “Unë nuk e di kush i rrin afër kujt” – tha ai.
Ai po ashtu dështoi të tregonte se si do të zëvendësonte Fondi Sovran, Agjencinë Kosovare të Privatizimeve duke thënë thjesht “Ne shpresojmë që të na ndihmojë Mërgata jonë!”
Por, Komisioni Qendror i Zgjedhjeve [KQZ-ja] bëri shkeljen më të madhe gjatë kësaj jave. Ajo i publikoi të dhënat personale të aplikuesve nga diaspora për të votuar në Kosovë. Kjo nuk është hera e para që një gjë e tillë ndodh në vendin tonë. Edhe Prokuroria e Shtetit, kishte shkelur privatësinë duke publikuar emrat e atyre që dyshohen si veteranë të rremë.
Jashtë Kosovës, lajmi më i rëndësishëm ishte fillimi i hetimit formal për shkarkimin e presidentit amerikan Donald Trump – i cili po akuzohet për abuzim pushteti, duke i kërkuar presidentit ukrainas Volodymyr Zelensky, hetim për të birin e Joe Bidenit në këmbim të ndihmës ushtarake prej 400 milionë Dollarësh.
