4 orë më parëPasi e braktisi i vëllai, e motra e kryeministrit Johnson i bashkohet partisë kundërshtare
Periskopi(7 vite më parë)
(7 vite më parë)Pasi vëllai i kryeministrit Boris Johnson, Jo Johnson, para një muaji braktisi vëllain e tij “për interesin nacional” kjo bëri bujë të jashtëzakonshme mediale. Por, tash edhe motra e tij raportohet se ka braktisur Partinë Konservatore për t’u bërë bashkë me Liberal Demokratët në përpjekjen për ta bllokuar Brexitin. Rachel Johnson besohet se po mban […]
Rachel Johnson besohet se po mban bisedime me atë parti rreth mundësisë për t’iu bashkuar si parlamentare.
Brexiti shkakoi një përçarje tepër publike familjare mes Boris Johnsonit dhe të afërmve të tij. Motra e kryeministrit, gazetarja Rachel kishte shkruar se ajo bashkë me fëmijët kishte qarë pas rezultatit në referendum, për të cilën i vëllai kishte bërë fushatë, shkruan Independent, përkthen Periskopi.
Meritat kryesore për rezultatin e referendumit që rezultoi në fitoren e fushatës për ta lënë BE-në i takojnë Boris Johnsonit.
Në atë kohë, motra e tij tha se i biri i saj 19 vjeçar, Oliveri, i kishte thënë “Borisi [daja] na e vodhi të ardhmen tonë.”
Zonja Johnson besohet se e ka thirrur ish liderin e Liberal Demokratëve gjatë kësaj jave për të diskutuar rreth mundësisë që të garojë me këtë parti kundër partisë së vëllait të tij në Bath apo Yeovil.
Sidoqoftë, bisedimet kishin kolapsuar kur zonjës Johnson i ishte thënë që duhej të ishte anëtare e partisë për një vit në mënyrë që të kandidonte për partinë.
Liberal Demokratët janë partia më e madhe politike që iu ofron votuesve shansin për të kthyer vendimin për të lënë BE-në. /Periskopi
