4 orë më parëNjëri vëlla në VV e tjetri në PDK: Kush do të fitojë më shumë vota?
Periskopi(7 vite më parë)
(7 vite më parë)Lëvizja Vetëvendosje njihet për armiqësinë e thellë që e shpreh në publik ndaj Partisë Demokratike të Kosovës [PDK]. Por, ajo që shfaqet në publik mbetet në publik. Në fakt, këto dy parti e kanë ushqyer njëra-tjetrën me njerëz e ide vazhdimisht në dhjetë vitet e fundit aq sa kandidatët e njëra-tjetrës të kenë edhe lidhje […]
Emrush Xhemajli është kandidat i Lëvizjes Vetëvendosje për deputet në zgjedhjet e parakohshme të 6 tetorit. I vëllai i tij, Bajrush Xhemajli, është po ashtu kandidat për deputet por nga radhët e Partisë Demokratike të Kosovës [PDK].
Emrushi ishte anëtar i Lëvizjes Popullore të Kosovës [LPK] ashtu si i vëllai i tij. Por, njëri beson që idealet e kësaj lëvizjeje që ka meritë për themelet e UÇK-së i trashëgon VV-ja, e tjetri beson se këtë e bën PDK-ja, shkruan Periskopi.
Pavarësisht armiqësisë së thellë të shprehur në publik, këto dy parti në fakt trashëgojnë të njëjtat rrënjë politike, te Lëvizja Popullore e Kosovës [LPK], dhe janë shërbyer kryesisht nga njerëz të cilët i kanë shërbyer në një formë a tjetrën projektit të Bashkimit Kombëtar.
I tillë është edhe Gazmend Islam i Ballit Kombëtar, kandidat i Vetëvendosjes me numrin 86. E po ashtu edhe Fatmir Humolli që bart 101-shin.
Po ashtu, pjesë e qeverisë së PDK-së, më saktësisht ministrive që udhëhiqeshin nga PDK-ja, ishin dy kandidatët Taulant Kryeziu dhe Hekuran Murati. Ndërkohë, për punën e zëdhënëses në qeverinë e Bajram Rexhepit nga PDK-ja njihej edhe Mimoza Kusari-Lila.
Ndërsa pjesë direkte e PDK-së nga radhët e listës së Vetëvendosjes për zgjedhjet e 6 tetorit ishin Ismajl Kurteshi, Sami Kurteshi, Hydajet Hyseni-Kaloshi, Sabri Kiçmari, Gani Krasniqi, vetë Emrush Xhemajli e Fatmir Rashit ndër të tjerë në pozita të tjera.
I njohur për afërsinë e tij me liderët e PDK-së ishte edhe Agim Bahtiri, kryetari i komunës së Mitrovicës, që ishte parë në disa darka e takime të ndryshme me z.Veseli dhe kreun e shtetit, z.Thaçi.
E megjithatë, ato nuk kanë shkëmbyer vetëm njerëz. Lëvizja Vetëvendosje ka marrë idenë e Bashkimit Kombëtar nga LPK-ja, e po ashtu ka përpunuar idetë ekonomike të majta, të cilat po ashtu ishin pjesë e identitetit të saj e në të cilat filimisht besonte edhe PDK-ja.
Por, krerët e PDK-së kanë marrë qëndrimet e Vetëvendosjes sa i përket çështjes së Asociacionit të Komunave me Shumicë Serbe, dhe duket se kanë kopjuar edhe ashpërsinë e tyre diskursive në luftën kundër korrupsionit.
Por, kush mendoni se do të fitojë më shumë vota: Emrush Xhemajli apo Bajrush Xhemajli?
