5 orë më parëNISMA dridhë edhe njëherë Malishevën, mijëra pjesëmarrës në tubimin e madh
Periskopi(7 vite më parë)
(7 vite më parë)Kandidati për kryeministër nga koalicioni Nisma-AKR-PD, Fatmir Limaj në tubimin e sotëm me qytetarë të Malishevës premtoi se Nisma do të jetë afër atyre që kanë nevojë për mbështetjen e shtetit, teksa tha se “Bashkë për shtetin”, për fillimisht do ta mbyllë dialogun Kosovë-Serbi, ku do të del Kosova fituese. Lideri i Nisma në vendlindjen […]
Lideri i Nisma në vendlindjen e tij, u premtoi fermerëve dhe bujqve se në mandatin katërvjeçar do të ketë zhvillim të madh në bujqësi. Limaj tha se në katër vjetët e ardhshëm bujqësia do të jetë e para në rajonin e Kosovës.
Po ashtu mbështetje tjetër pritet të jetë edhe përkrahja për ndërmarrësit dhe pakoja sociale, pasi sipas Limajt, janë dëshmuar se për një vit e gjysmë, 27 mijë familje janë trajtuar anekënd Kosovës. Para bashkëvendësve të tij, Fatmir Limaj tha se burimi i mbështetjes së fuqishme mbetet vendlindja e tij, Malisheva.
“Sot Malisheva, në këtë sallë të sportit po iu thotë të gjithë atyre pazarxhinjve, se Malisheva është e Nisma Socialdemokrate dhe është fuqia kryesore. Malisheva ka vendosur të jetë kundër tuxharëve, pazarxhinjve, mashtruesve që janë të gatshëm të japin vendin e vet për çështje të parëndësishme, të bëhen pazare me fatin e vendit të vet. Pra, Malisheva ka vendosur”, theksoi Limaj.
Lideri i Nisma Socialdemokrate në këtë tubim kritikoi ashpër fjalimin e kundërkandidatit të tij, Albin Kurti, i cili ka qenë gjatë ditës në Malishevë lidhur me autostradën, duke thënë se me mashtrime dhe me sharje nuk shkojnë këto punë.
“Të vijë në Malishevë, e të kërkoj vota, dhe të thotë se autostrada e ka mbytur Malishevën, kjo nuk ka lidhje as për ekonomi e as për shtet. E ju e dini kush ka qenë sot në Malishevë, janë mësuar me sharë nja 15 vjet e tash me fol për ekonomi”, theksoi Limaj.
Jakup Krasniqi nga Nisma Socialdemokrate tha se pushteti i ardhshëm është në duart e qytetarëve, dhe më 6 tetor duhet votuar koalicionin “Bashkë për shtetin”, në krye me Fatmir Limaj, pasi është ardhmëria e Kosovës.
“Më 6 tetor është dita kur duhet bërë ‘Bashkë për shtetin’, për shtetin e mirëqenien sociale, bashkë për shtetin solidar, dhe bashkë për shtetin e së drejtës. Më 6 tetor është dita kur me bindje të plotë dihet të votohet koalicioni Bashkë për shtetin, dhe Fatmir Limaj për kryeministër të Kosovës. Bashkë për shtetin e në krye me Fatmir Limaj është ardhmëria e Kosovës. Ky fat për Malishevën, për Kosovën është në numrin 122, më konkretisht në numrin 1 të Nismës”, tha Krasniqi.
Në këtë tubim, Limaj ka prezantuar kandidatët për deputetë në këtë komunë, për të cilët kërkoi mbështetjen e qytetarëve.
