Ndërron jetë aktori i njohur nga “Karate Kid”

Rob Garrison ndërroi jetë në moshën 59-vjeç, dhe familja e tij konfirmoi lajmin e trishtuar.

Ai ishte më i njohur për interpretimin e Tommy në një prej vazhdimeve të filmit “Karate Kid”.

Familja e Garrison tha që ai vdiq të premten në mëngjes në një spital të Virxhinia Perëndimore, raporton Daily Star.

Vdekja e tij nuk erdhi befas, pasi raportohej se ishte shtruar në spital për një muaj për shkak të problemeve të mëlçisë dhe veshkave. Organet e tij thjesht dështuan.

Rob e filloi karrierën në fund të viteve 70 si fëmijë. Ai e bëri përparimin e tij në botën e aktrimit me rolin e Tommy në filmin 1984 Karate Kid.