Musliu në tri fshatra të Skënderajt: Për Kosovë të zhvilluar e pa korrupsion

Kandidatja për deputete nga radhët e PDK’së, Ganimete Musliu, ka vizituar tri fshatra në Skënderaj.

Ajo njofton në FB:

Radisheva, Leçina e sidomos Pemishta, njihen si fshtra me natyrë të mrekullueshme. Edhe sot, kishin hijeshi ngjyrat e vjeshtës në këto tri fshatra. Hijeshia shtohej, kur bashkëbiseduam për konceptin e Dekadës së Re, për Kosovën e zhvilluar ekonomikisht e pa korrupsion.

Musliu, dje ka qëndruar edhe në fabrikën e këpucëve ‘Muli shoes’, për vizitën ku ajo njofton:

Fabrika e këpucëve ‘Muli shoes’ në Polac të Skënderajt, është një nga shembujt më të mirë të investimeve në sektorin privat. E ky investim i familjes Gruda, ka qenë i dobishëm edhe për hapjen e dhjetëra vendeve të punës, duke përfituar kështu edhe dhjetëra familje. Me Qeverinë e udhëhequr nga PDK-ja, do të krijohen kushte të favorshme që të kemi sa më shumë investime të tilla në sektorin privat.