Luzha: Puna ime 20-vjeçare ka bërë që të akumuloj përvojë dhe tani të kontribuoj në politikë

Kandidatja për deputete nga koalicioni AAK-PSD, Besa Luzha  ka folur për kontributin e saj dhe punën që do ta bëj si deputete e Kuvendit të Kosovës.

E ftuar në edicionin e sotëm në Magazinën Zgjedhore, Luzha tha se puna e saj 20 vjeçare në shoqërinë civile ka bërë që Luzha të akumuloj përvojë dhe t’i njeh mirë temat që i ka përcjellur.

’’Kemi bisedu shpesh herë për dallimin shoqëri civile dhe politikë, nuk ka rëndësi se në çfarë pozicioni është njeriu, ne të gjithë jemi pjesë e shoqërisë dhe shoqëria ka nevojë për kontributin e secilit prej neve. Mënyra se si merr vendime se sa buxhet ndan, cilat janë qëllimet, si i menaxhon të gjitha janë politikë. Unë gjatë 20 viteve kam akumulu mjaftë përvojë dhe ekspertizë që kanë të bëjnë me profesionin tim dhe temat që i kam ndjekur. Vendosa pasi mu bë ftesa që fokusin dhe angazhimin tim ta bëj aty ku duhet’’, tha Luzha./Periskopi/