Kongresmenët amerikanë po shqyrtojnë ankesën e sinjalizuesit të Inteligjencës ndaj Trumpit

Një demokrat e përshkroi atë si “shqetësues” ndërsa një anëtar i Partisë Republikane së cilës i takon edhe vetë Trump deklaroi se ajo ankesë ishte “trazuese”.

Ankesa i referohet një telefonate kontroverse mes z.Trump dhe presidentit ukrainas Volodymyr Zelenskyt, raporton BBC, përcjell Periskopi.

Zhvillimet e fundit vijnë pasi ushtruesi i detyrës së drejtorit të Inteligjencës Amerikane është bërë gati që të dëshmojë.

Dëshmia e tij për ankesën nga sinjalizuesi anonim i inteligjencës do të mbikëqyret afërsisht kur të dalë para anëtarëve të Komitetit të Inteligjencës në Dhomën e Përfaqësuesve gjatë ditës së sotme.

Përmbajtja e ankesës është ende e klasifikuar por senatori më i rëndësishëm demokrat në Senat, Chuck Schumer, ka bërë thirrje për lëshimin e plotë dhe të menjëhershëm të saj.

Sipas shënimeve të telefonatës së 25 korrikut, Presidenti Trump i kishte kërkuar Zelenskyt, që të hetonte mos djali i zëvendëspresidentit Joe Biden ishte i përfshirë në ndonjë aferë korruptive në mënyrë që duke i hedhur njollë Bidenit ta fitonte garën presidenciale të vitit 2020.

Nuk ka asnjë provë për ndonjë shkelje ligjore nga ana e Biden-ëve.

Joe Biden e akuzoi presidentin Trump për abuzim me pushtet. /Periskopi