Kaos: Trumpi vazhdon sulmet ndaj Bidenit, demokratët kërkojnë që presidenti të ndiqet penalisht

Presidenti amerikan Donald Trump ka vazhduar cicërimet sulmuese edhe sot, në lidhje me atë që pretendon se është korrupsion ku përfshihen Joe Biden dhe djali i tij në Ukrainë.

Si përgjigjje, kryesuesi demokrat i Komitetit të Inteligjencës në Dhomën e Përfaqësuesve tha se sjellja e raportuar e presidentit duhet të përndiqej penalisht.

Pardje u raportua se presidenti Trump i kishte bërë presion presidentit ukrainas që të hetonte pretendimet lidhur me Bidenin, kryesuesin e garës demokrate për nominimin për president, dhe se kjo kishte shqetësuar edhe Shtëpinë e Bardhë, shkruan The Guardian, përkthen Periskopi.

Të shtunën, vetë Bideni e akuzoi Trumpin se po abuzonte në masë të madhe me pushtetin.

Trumpi kishte mohuar raportimin duke thënë se “nuk po kërkonte ta dëmonte Bidenin, por që ky kishte bërë gjëra të pandershme”. /Periskopi