4 orë më parëJovanoviq: Vuçiqi t’ua kujtojë mbështetësve të Kosovës se Serbia në OKB është me të brenda
Periskopi(7 vite më parë)
(7 vite më parë)Ish-ambasadori i Republikës Federative të Jugosllavisë në OKB, Vlladisllav Jovanoviq në një bisedë për RTS-në “ia ka qarë hallin” presidentit të Serbisë, Aleksandar Vuçiq, për faktin se mbështetësit e pavarësisë së Kosovës kanë një paraqitje kolektive ndaj tij në Nju-Jork, ku po merr pjesë në sesionin e Asamblesë së Përgjithshme të OKB, transmeton Koha.net. Ai […]
Ai ka rikujtuar se ky sesion, megjithëse temë bosht ka ndryshimet klimatike, për Serbinë ka rëndësi edhe për shkak të çështjes së Kosovës.
Siç është shprehur ai, mbështetësit kryesor të pavarësisë së Kosovës, përkatësisht vendet e Perëndimit, kanë një paraqitje kolektive kundruall presidentit të Serbisë, me qëllim që të imponojnë një lloj lëvizje të Serbisë në drejtim të pritshmërive të tyre.
Ai ka shtuar se edhe Beogradi do të duhej të kalojë në një rol më aktiv, meqë “sqarimi i vazhdueshëm i qëndrimeve të vendeve të tjera e vendos në pozicion pasiv”. Siç ka thënë ai, krahas insistimit për kompromis, është nevojshme t’u kujtohet fuqive perëndimore përgjegjësia e tyre që del nga Kushtetuta e Serbisë dhe Rezoluta 1244 e KS të OKB”.
Sipas tij, “anëtarësimi i i Serbisë në Kombet e Bashkuar konfirmon kufijt e saj me Kosovën pjesë integrale”, transmeton Koha.net.
