6 orë më parëHasani hapi fushatën zgjedhore të koalicionit AAK-PSD në Gjilan: Më 6 tetor jemi fitues
Periskopi(7 vite më parë)
(7 vite më parë)Kandidati për deputet i koalicionit AAK-PSD, Bajram Hasani, në hapjen zyrtare të fushatës së këtij koalicioni në Gjilan, ka thënë se qytetarët më 6 tetor kanë ofertën më të mirë, atë të koalicionit AAK-PSD. “Ne si koalicion kemi çfarë t’u ofrojmë qytetarëve edhe për qeverisjen deri sot por edhe kemi ofertën më të mirë si […]
Kandidati për deputet i koalicionit AAK-PSD, Bajram Hasani, në hapjen zyrtare të fushatës së këtij koalicioni në Gjilan, ka thënë se qytetarët më 6 tetor kanë ofertën më të mirë, atë të koalicionit AAK-PSD.
“Ne si koalicion kemi çfarë t’u ofrojmë qytetarëve edhe për qeverisjen deri sot por edhe kemi ofertën më të mirë si koalicion për zgjedhjet e 6 tetorit”, ka thënë ai, duke shprehur i bindur në fitoren e këtij koalicioni.
Hasani ka thënë se ky koalicion ka kandidatët më të mirë për deputetë nga rajoni i Anamoravës.
Ai ka thënë se qytetarët kanë shumë arsye për ta votuar më 6 tetor koalicionin AAK-PSD, pasi sipas tij, Ramush Haradinaj në qeverisjen e deritanishme si kryeministër ka treguar se nuk ka cenim të sovranitetit.
Hasani ka thënë se Qeveria Haradinaj ka marrë vendime të mëdha, vendimi për ushtrinë, taksën dhe ringjallja e Trepçës e shumë vendime të tjera, si ato për mbrojtjen e prodhimeve vendore, është arsye që qytetarët t’i japin besimin Haradinaj që të vazhdojë me qeverisjen në vend.
