Haradinaj: Qeveria e Kosovës do ta ndihmojë financiarisht Shqipërinë për t’i evituar dëmet

Kryeministri në detyrë i Kosovës, Ramush Haradinaj, ka thënë se kërkuar nga FSK dhe Policia e Kosovës që të vihen në ndihmë ndaj Shqipërisë ku sot ka pasur një tërmet.

Ai përmes Facebook ka thënë se Qeveria e Kosovës do ta ndihmojë Shqipërinë financiarisht, transmeton Klan Kosova.

“Kosova bashkëndjenë me të gjithë qytetarët e saj dhe me qytetarët e Shqipërisë që sot u tronditën dhe e pësuan nga tërmeti që goditi Tiranën, Durrësin dhe një pjesë të Kosovës”.

“Menjëherë pas këtij lajmi, i kam shprehur shqetësimet dhe gatishmërinë tonë për të ndihmuar të gjithë të prekurit, Presidentit të Shqipërisë, Ilir Meta. Kam udhëzuar Gjeneralin e FSK-së, Rrahman Rama dhe Drejtorin e Policisë, Rashit Qalaj që të vënë kontakte me homologët e tyre, për të ofruar çdo ndihmë të nevojshme”, ka thënë Haradinaj.

“Në të njëjtën kohë, bazuar në kompetencat tona, Qeveria e vendit do ta ndihmojë Shqipërinë, me një ndihmë financiare për t’i evituar dëmet. Të gjithë të lënduarve u dëshirojmë shërim të shpejt dhe për ata që pësuan do të jemi në dispozicion të plotë”.