Halil Matoshi: Albin Kurti është manipulues që s’e njeh Kushtetutën e vendit që don me e udhëheq

Kurti mbrëmë vazhdoi sharjen e tij në flamurit të Kosovës duke thënë “po lara-lara është, çka t’i bëj tash” kur u pyet për ndërrimin e qëndrimit në lidhje me respektimin e simboleve shtetërore.

I pyetur se pse vazhdonte t’i referohej kombëtares së Kosovës si përfaqësuese e jo si kombëtare, ai deklaroi se Kushtetuta e Kosovës nuk njeh komb kosovar – dhe se, për dallim nga gjuhët e tjera të botës, në gjuhën shqipe termi komb ka dallim me termin shtet.

Kësaj deklarate të pamatur i ka reaguar gazetari dhe anëtari i AAK-së, Halil Matoshi i cili e ka quajtur Kurtin si “institucionalist të vonuar” që nuk njeh Kushtetutën e vendit që pretendon me e udhëheq.

Ai e ka cituar Nenin 126 të Kushtetutës së vendit ku flitet për Forcën e Sigurisë së Kosovës, dhe në të cilën ai quhet “forcë kombëtare për Republikën e Kosovës”.

Ky është reagimi i plotë i z.Matoshi:

Albin Kurti, “Institucionalisti” i vonuar qe nuk e njeh Kushtetutën e vendit të tij, që pretendon me e udhëheqë!?

Lideri i Lëvizjes Vetëvendosje, mbrámë në Televizionin Dukagjini, në retorikën e tij manipulative, tuj bâ fjalë për Kushtetutën, mashtroi jo vetëm një pjesë të publikut të painformuem mirë, por edhe vet analistët, kur tha se Kushtetuta e Kosovës nuk e njeh kombin kosovar, prandaj ai, po e parafrazoj, e cilëson Kombëtaren e Kosovës si ‘Përfaqësuese’!?
E di se edhe Kurtin si shumicën e politikanëve të Kosovës i shquan mendimi historicist dhe kolektivist identitar, por megjithatë, i bâj pyetje publike, se cili âsht interpretimi i tij për Nenin 126 të Kushtetutës së Republikëd së Kosovës?

Neni 126 [Forca e Sigurisë e Kosovës]

1. Forca e Sigurisë e Kosovës është forcë kombëtare e sigurisë për Republikën e Kosovës, dhe mund të dërgoj pjesëtarët e saj jashtë vendit në përputhje të plotë me përgjegjësitë e saj ndërkombëtare.

Article 126 [Kosovo Security Force]
1. The Kosovo Security Force shall serve as a national security force for the Republic of Kosovo and may send its members abroad in full conformity with its international responsibilities.

Član 126 [Kosovske Bezbjednosne Snage] 1. Kosovske bezbjednosne snage su nacionalnce bezbjednosne snage Republike Kosovo i mogu slati svoje pripadnike u inostranstvo u potpunoj saglasnosti sa svojim međunarodnim obavezama.