6 orë më parëÇfarë duhet të bëni gjatë një tërmeti?
Periskopi(7 vite më parë)
(7 vite më parë)Njohësi i sigurisë, Tahir Ahmeti, pas tërmeteve që ndodhën në Tiranë, dridhjet e të cilit u ndien edhe në Kosovë, ka dhënë disa këshilla se si duhet të veprojmë në rast të tërmetit, shkruan Periskopi. Ahmeti ka thënë se këto janë disa informacione bazike dhe masa mbrojtëse të cilat mund të jenë të dobishme derisa […]
Ahmeti ka thënë se këto janë disa informacione bazike dhe masa mbrojtëse të cilat mund të jenë të dobishme derisa gjendja të stabilizohet.
Më poshtë lexoni këshillat e Tahir Ahmetit për tërmetin:
Çfarë duhet të bëni gjatë një tërmeti?
Tërmetet mund të godasin krejt papritur dhe pa paralajmërim, e rëndësishme është që që në dridhjen e parë mundësishtë të merrni masa mbrojtëse.
Më poshtë janë disa informacione bazike si duhet të veproni gjatë një tërmeti.
– Qëndroni poshtë dyerve
Kjo është një gjë që dihet, por gjithsesi që duhet edhe zbatuar. Gjatë një tërmeti, nëse ndodheni në një vend të mbyllur qëndroni poshtë dyerve dhe mundësisht afër një kolone betoni. Edhe trarët e çative ju mbrojnë nga një shembje e mundshme.
– Futuni poshtë tavolinës
Gjatë tërmetit është e rrezikshme të qëndroni pranë objekteve që lëvizin, pasi mund t’iu bien sipër, kështu që mund të futeni edhe poshtë tavolinës.
– Mos vraponi drejt shkallëve, apo ashensorit
Në të vërtetë shkallët janë pjesa më e dobët e një ndërtese, por nga frika njerëzit tentojnë të dalin menjëherë nga banesa. Madje edhe ashensori nuk duhet të përdoret pasi bllokohet.
– Largohuni nga objektet në ndërtim
Nëse gjatë kohës së tërmetit ndodheni jashtë, mos qëndroni afër objekteve në ndërtim, apo dhe linjave elektrike, pasi mund të bien dhe tu zënë poshtë.
– Qëndroni larg liqeneve, plazheve dhe urave
Gjatë tërmetit dhe minutat pas lëkundjeve, largohuni nga brigjet e liqeneve apo plazhet, pasi mund të ketë një rritje të intensitetit të valëve, në atë që zakonisht quhet cunami. Nëse jeni në automjet shmangni qëndrimin në ura apo rrugë të paqëndrueshme.
