Brestovci: Gruaja – gjysma e shoqërisë, angazhimi im do të fokusohet në të drejtën e tyre për trashëgimi dhe mundësive për të bërë biznes

Gruaja është gjysma e shoqërisë. Kështu e konsideron kandidati për deputetë Bekim Brestovci nga radhët e Nismas Socialdemokrate.

Brestovci ka pohuar se angazhimi i tij do të fokusohet për të drejtat e grave si në trashëgimi po ashtu edhe në krijimin e mundësive për biznes.

Brestovci ka bërë të ditur se plani i tij konkret ka të bëjë me inkuadrimin  e grave.

“Gruaja është gjysma e shoqërisë. Angazhimi im për gruan do të fokusohet fillimisht për të drejtë e tyre në trashëgimi, pastaj edhe në krijimin e mundësive për të bërë biznes. Ndërsa plani im konkret ka të bëjë me inkuadrimin e gruas në krijimin e bizneseve familjare në zonat turistike”, ka shkruar Brestovci në facebook.

Postimi i tij i plotë:

Gruaja, gjysma e shoqërisë

Megjithëse zhvillimeve të përgjithshme që i ka shënuar shoqëria Kosovare gjatë dy dekadave të fundit, gruaja në vendin tonë akoma përballet me probleme esenciale. Mungesa e sigurisë së nevojshme të cilën do duhej t’a ofrojë shteti por edhe shoqëria jonë, disa grave i’u ka kushtuar me jetë.

Ndërsa niveli i pabarazisë sa i përket përfshirjes së burrave dhe grave në tregun e punës, vazhdon që të jetë më i larti në Kosovë, krahasuar me vendet e rajonit. Vetëm rreth 12% të grave të Kosovës, konsiderohet se kanë një vend pune. Mirpo edhe ato që kanë vende pune, përballen me sfida të ndryshme. Gruaja është shtyllë e familjes dhe shoqërise, e asesi nuk duhet të izolohet dhe trajtohet padrejtësisht. Plani im për turzimin dhe ndërlidhjen e investimeve të diasporës me tregon e punës në Kosovë, do të përkrahte gratë e viseve rurale, që të krijojnë vetpunësimin e tyre, duke u orientuar në punime artizanale, ushqime tradicionale e të tjera. Gjithashtu, gjatë mandatit tim si deputet do të loboj fuqishëm tek institucionet e vendit që sa më shumë të përkrahin gratë në bizneset e reja. Shtytje të fuqishme do t’i jap edhe respektimit të të drejtës së gruas për trashigimi. E dimë që në shoqërinë tonë, përkundër kontributit të lartë të gruas në të gjitha fushat e jetës, ajo nuk është trajtuar drejtë sa i përket ndarjës së trashigimisë familjare. Tash, kjo duhet të ndryshoj. Trajtimi i drejtë i gruas kur vie tek ndarja e trashigimisë familjare, e ndihmon atë në pavarsinë e saj dhe rrjedhimisht  një jetë më të lehtë për të.

Gratë e pavarura refletojnë edhe më shumë të mira në familjet dhe shoqërinë tonë.