Albin Kurti shet mend por del qesharak e i turpëruar: “A je i pavarur nëse me pavarësi e heq pavarësinë?”

Ai përmendi Kushtetutën e Kosovës që i pamundëson vendit tonë të ketë “pretendime territoriale” apo të kërkojë “bashkim me ndonjë shtet” tjetër.

Pikën 3 të Nenit 1, z.Kurti e sheh në kundërshti me pikën 1 të të njëjtit nen. “Pika 1.1 dhe 1.3 e Kushtetutës tonë janë në kundërshtim me njëra-tjetrën. Kjo është absurde.” – tha ai, duke kritikuar imponimin ndërkombëtar për simbolet dhe projektin politik të shtetit tonë, shkruan Periskopi.

Ai konkretisht u pyet nëse e ka prioritet Bashkimin e Kosovës me Shqipërinë, ashtu siç e synon programi politik i partisë së tij. Përgjigjja e tij ishte e vagullt, por ai haptas i mëshoi Kushtetutës, më saktë nenit themeltar ku bëhet “Përkufizimi i Shtetit”.

Neni 1 thotë që “Republika e Kosovës është shtet i pavarur, sovran, demokratik, unik, dhe i pandashëm.” Por, z.Kurti – i njohur për lojën dhe dredhitë e tij me fjalët – fjalës pavarësi ia atribuoi një kuptim shumë më të gjerë, atë të “pavarësisë për të mos qenë të pavarur në rast të Bashkimit me Shqipërinë.”

Por, a je i pavarur nëse vendos që me pavarësi të heqësh pavarësinë? Natyrisht që jo. Dhe pikërisht një gjë e tillë vendoset në themelet e Kushtetutës sonë, më saktë te Kapitulli i Dispozitave Themelore për të cilën është qesharake dhe e turpshme madje edhe të merret opinion nga ekspertë të fushës apo nga Gjykata Kushtetuese.

Mësojmë që z.Kurti në partinë e tij ka afruar edhe z.Gazmend Islami, kryetar i Ballit Kombëtar Demokratik, dh që është ndër të paktit në vend që promovon politika të ekstremit të djathtë.