16 vjeçarja Greta ia kthen ngucjen presidentit Trump

Presidenti amerikan e kishte shpërndarë videon e 16 vjeçares duke shkruar “Ajo duket një çikë e re e shumë e lumtur që po sheh përpara drejt një të ardhmeje të ndritur e të mrekullueshme!”

Por, tash aktivistja e re ambientaliste i është përgjigjur në mënyrë sarkastike duke e ndryshuar bio-n e saj në Twitter në “Një çikë e re shumë e lumtur që po sheh përpara drejt një të ardhmeje të ndritur e të mrekullueshme.”

Llogaria e saj më herët e përshkruante si “Një aktiviste 16 vjeçare me Asperger.”

Tinejxherja suedeze dha një fjalim pasionant në samitin për ndryshime klimatike në Nju Jork të hënën, duke iu thënë liderëve botëror nga 60 vende të botës: “Nuk duhej të isha këtu. Duhej të isha në shkollë në anën tjetër të oqeanit. E megjithatë, të gjithë ju vini te ne të rinjtë për shpresë? Si keni guxim. M’i keni vjedhur ëndrrat dhe fëmijërinë time me fjalët tuaja boshe.”

Zonjusha Thunberg që kishte udhëtuar me një jaht në ShBA duke shmangur fluturimin pikërisht për shkaqe ambientalishte, shtoi: “Njerëzit po vuajnë, po vdesin, të gjitha ekosistemet po kolapsojnë, ne jemi në fillim të një zhdukjeje masive dhe krejt për çka ju mund të flisni janë paratë dhe përrallat e pafundme për rritje ekonomike. Si keni guxim?”

Greta ishte bërë virale edhe nga shikimi ngulmues me inat që i kishte dhënë presidentit Trump kur kishte mbërritur në samit. /Periskopi