5 orë më parëZjarret në Amazonë: Brazili refuzon ndihmën prej 20 milionësh “Ju s’mund ta shmangnit zjarrin në një kishë, e po na jepni leksione neve”
Periskopi(7 vite më parë)
(7 vite më parë)Qeveria e Brazilit ka thënë se do të refuzojë ofertën për ndihmë nga vendet e G7-s për të ndihmuar që të merret me zjarret në pyjet e Amazonës. Presidenti francez Emmanuel Macron – që ishte nikoqir i samitit të G7-s që përfundoi të hënën – tha se një shumë prej 20 milionë eurosh do të […]
Presidenti francez Emmanuel Macron – që ishte nikoqir i samitit të G7-s që përfundoi të hënën – tha se një shumë prej 20 milionë eurosh do të ofrohej si ndihmë për t’u ballafaquar me zjarret e Amazonës.
Por ministrat brazilianë kanë thënë se këto para nuk iu duhen dhe kanë akuzuar fuqitë e mëdha se donin kontroll mbi Amazonën, shkruan BBC, përkthen Periskopi.
Të dhënat satelitore shfaqnin zjarret – shumicën në Amazonë – në nivele rekorde.
Duke komentuar mbi ofertën e G7-s për të ofruar ndihmë, shefi i kabinetit të presidentit brazilian Jair Bolsonaro, Onyx Lorenzoni, i tha sajtit Globo news “Falemnderit, por këto para ndoshta janë më të nevojshme për ripyllëzimin e Evropës. Macroni nuk mund të shmangte madje as zjarrin në një kishë [Katedralen e Notre Damme], dhe po kërkon që të na japë leksione neve?”
Ministri i jashtëm Ernesto Araujo tha se tashmë kishin mekanizma në përdorim për të luftuar shpyllëzimin. /Periskopi
