2 orë më parëVV kërkon koalicion me LDK-në pa e përcaktuar kandidatin për kryeministër
Periskopi(7 vite më parë)
(7 vite më parë)Aderimi më i ri në Vetëvendosje, Haki Abazi, ka folur përsëri për koalicionin me LDK-në. Përmes një postimi në Facebook, ka thënë se çështja e kryeministrit nuk duhet të jetë pengesë për marrëveshjen mes LDK-së e VV-së, shkruan lajmi.net. Sipas tij, kriteri për këtë pozitë duhet të vendoset në lidhje me faktin se cili prej […]
Aderimi më i ri në Vetëvendosje, Haki Abazi, ka folur përsëri për koalicionin me LDK-në.
Përmes një postimi në Facebook, ka thënë se çështja e kryeministrit nuk duhet të jetë pengesë për marrëveshjen mes LDK-së e VV-së, shkruan lajmi.net.
Sipas tij, kriteri për këtë pozitë duhet të vendoset në lidhje me faktin se cili prej kandidatëve merr më shumë vota në zgjedhjet e parakohshme.
Ai thotë se duhet arritur marrëveshje për koalicion, pa e përcaktuar kandidatin e përbashkët për kryeministër.
Ky është postimi i Abazit në Facebook:
Nëse fati i Kosovës dhe qytetarëve është fokusi i zgjedhjeve, atëhere çështja e kryeministrit nuk duhet të jetë pengesa e marreveshjes LVV-LDK.
Kushtetuta e Kosovës nuk kërkon përcaktimin e kandidatit të koalicionit. LDK ka caktuar Vjosa Osmani, LVV ka Albin Kurtin kandidat për kryeminister. Kjo është e qartë dhe në ketë fazë duhet vendosur kriteret principiele për kryeministrin. Psh: kandidati që merr më shume vota , partia që merr më shumë votë qytetare dhe kandidati që paraqet vizion dhe program për të dalë nga humnera.
Koalicioni duhet behet tani pa përcaktuar kandidatin e përbashkë për kryeminsitër nëse nuk është e mundur ndryshe, që të largoje tensionin, të përmbushë pritjen e qytetarëve se të korruptuarit dhe kriminelet nuk do të kenë rast të jenë në qeveri kurrë më.
Pas zgjedhjeve mund të negociohet por nuk mund të lihet hapsirë për dështimin e Kosovës.
LDK pa LVV mund të kete Vjosa Osmanin Kandidate por kryeminister do të behej me PANISTET, do të ishte edhe deshtimi i LDK, edhe deshtimi i Kosovës e fitorja e atyre qe asnje votues i LDK nuk donta deshironte. Nuk meriton Znj. Osmani nje godite të tilë.
Kërkesa që LVV të terhiqet nga pozita e Kryeministrit është kerkese për të miratuar politikën e dështimit, korrupcionit, nepotizmit… Nuk e bën LVV këtë lëvizje joparimore.
Këto zgjedhje nuk janë vetëm zgjedhje, ketu duhet të përfundojë etapa e krimit dhe korrupcioni, padrejtësise dhe hajnisë insitucionale dhe duhet hapur horizontin e zhvillimit. LVV ka qëndruar besnike dhe konsistente ne kete agjende.
