Paçarizi: Prita që Vjosa Osmani të tregohej më e guximshme, në intervistën e parë u tregua populiste

Analisti Rrahman Paçarizi, thotë se ka pritur që kandidatja e LDK’së, Vjosa Osmani të tregohej më e guximshme në paraqitjen e saj të parë mediale, pasi u nominua për kryeministre.

“Unë kisha pritë nga LDK dhe Lëvizja Vetëvendosje me tregu rrugën se qysh kanë me zhblloku Kosovën përballë partneritetit të lënduar rëndë me miqtë tanë ndërkombëtarë me ShBA’të dhe BE’në sidomos edhe pas letrës së fundit të Kuintit ku tregohet në mënyrë shumë të qartë ku Kosova dhe Serbia duhet të nisin dialogun duke eliminuar dy barrierat kryesore, Kosova duhet ta heq taksën, Serbia duhet ta ndërpres lobimin për çnjohjen e Kosovës’, ka thënë Paçarizi.

“Krejt flasin për, madje edhe PDK, për luftimin e korrupsionit, për politikat sociale, etjerë,  kur politikat sociale janë cështje vitale për Kosovën por nuk janë në rendin e ditës, nuk janë në agjendën e Qeverisë së re të Kosovës. Qeveria e Kosovës në agjendë do ta ketë dialogun’, ka thënë ai.

Sa i përket një koalicioni të mundshëm LDK-VV, Paçarizi thotë se ‘duket se janë barrikaduar  te çështja e kryeministrit’.

“Prita që kandidatja e LDK’së të jetë pak e guximshme, por ajo për habinë time doli shumë kontradiktore sepse tha se vendimi i kryeministrit Haradinaj ishte populist por ne nuk do ta heqim taksën. Domethënë po e bën një premtim po aq populist se ne nuk do ta heqim taksën. Pra dikush e ka vendos taksën për populizëm por ne nuk do ta heqim taksën për populizëm’, ka thënë Pa֛çarizi në RTK./Periskopi/