Nexhmedin Spahiu ia krijon kabinetin qeveritar Albin Kurtit, i jep Trajkoviqit ministrinë më të rëndësishme

Nexhmedin Spahiu, publicisti i njohur nga Mitrovica, ka bërë një postim në Facebook në lidhje me zhvillimet politike në vend.

Ai ka përpiluar kabinetin qeveritar potencial të Albin Kurtit pas arritjes së marrëveshjes mes Lëvizjes Vetëvendosje dhe Lidhjes Demokratike të Kosovës për koalicion parazgjedhor.

Nuk dihet nëse z.Spahiu ka informacione shtesë për një gjë të tillë, apo lista e ministrave është përpiluar sipas dëshirës së tij personale.

Spahiu e ka vendosur Avdullah Hotin në rolin e kryetarit të Kuvendit, ndërsa në dy pozitat poshtë Kurtit ndodhen Kujtim Shala i LDK-së dhe Nenad Rashiq nga komuniteti serb.

Ai e ka ulur numrin e ministrive nga 20 në 14, gjashtë prej të cilave ia jep Vetëvendosjes dhe pesë të tjera LDK-së.

Çudia në kabinetin e Kurtit sipas Spahiut është veçanërisht te Rada Trajkoviq e cila do të marrë njërën prej ministrive më të rëndësishme, atë të Shëndetësisë.

Spahiu e ka vendosur ndërkohë Jahja Kokën në rolin e ministrit të Arsimit ndërsa Donika Gashin në rolin e ministres së Kulturës, Rinisë dhe Sporteve. Sami Kurteshit i jep ministrinë e Drejtësisë e cila në qeverisjen e fundit u udhëhoq nga Abelard Tahiri i PDK-së.

Ky është postimi i plotë i tij në Facebook:

Qeveria Albin Kurti
1.Kujtim Shala – zv/kryeministër dhe M. jashtëm dhe integrimeve Evropiane dhe Diasporës (3 ministri te integruara) (LDK)
2. Nenad Rašić – zv/kryeministër dhe M. Ambientit (Opozita Serbe e Bashkuar)
3. Sami Kurteshi – Drejtësia (VV)
4. Besnik Bislimi – Financat (VV)
5. Prof.Dr.Jahja Kokaj– Arsimi (VV)
6. Donika Gashi -Kultura (VV)
7. Xhelal Sveçla– Brenshme (VV)
8. Albulena Haxhiu – Infrastruktura (VV)
9. Arban Abrashi – Mirëqenies Sociale (LDK)
10. Anton Quni – FSK (LDK)
11. Hykmete Bajrami – Tregetise dhe Industrise dhe Zhvillimit ekonomik (2 ministri te integruara) (LDK)
12. Lirije Kajtazii – Administratës Publike dhe Administrimit të pushtetit Lokal dhe kthimit e komuniteteve (3 ministri të integruara) (LDK)
13. Rada Trajković – Shëndetësisë (Opozita Serbe e Bashkuar)
14. Rasim Demiri-Bujqësisë (Vakat).
Kryetar Parlamenti: Avdullah Hoti