3 orë më parëMustafa: Vendosim sot që Vjosa të jetë kandidate e LDK’së për kryeministre
Periskopi(7 vite më parë)
(7 vite më parë)Kryetari i Lidhjes Demokratike të Kosovës, ka thënë se sot do të merret vendimi për Vjosa Osmanin që të jetë kryeministre, shkruan Periskopi. Mustafa këto komente i bëri në profilin e tij në Facebook duke shtuar se Vjosa Osmani nuk ishte e vetmja kandidatë e LDK’së për këtë pozitë. “Vjosa nuk ishte e vetmja kandidate […]
Mustafa këto komente i bëri në profilin e tij në Facebook duke shtuar se Vjosa Osmani nuk ishte e vetmja kandidatë e LDK’së për këtë pozitë.
“Vjosa nuk ishte e vetmja kandidate e LDK-së për këtë pozitë. Ishte, poashtu, z. Lutfi Haziri, tani Kryetar i Gjilanit”, ka shkruar ai.
Shkrimi i tij:
Qytetarë të nderuar
Vendosim sot, që znj. Vjosa Osani të jetë kandidate e LDK-së për Kryeministre të Kosovës. Dje, ajo mori përkrahjen e plotë të Kryesisë së LDK-së.
Vjosa është kandidatja e parë grua që nominohet për pozitën më të lartë qeveritare në Kosovë. E arsimuar dhe e përgatitur në Kosovë dhe SHBA. E re. Por, me përvojë shtetërore e parlamentare për tu përballur me sfida të mëdha dhe shumë serioze.
Vjosa nuk ishte e vetmja kandidate e LDK-së për këtë pozitë. Ishte, poashtu, z. Lutfi Haziri, tani Kryetar i Gjilanit. Më herët zëvendëskryeministër e deputet. Z. Haziri me shembullin e një veprimtari të devotshëm të LDK-së, një lideri me të cilin krenohemi jo vetëm ne në LDK, kësaj radhe i dha përkrahje të parezervë Vjosës.
Përkrahjen e sigurt e pres sot nga Këshilli i Përgjithshëm i Lidhjes Demokratike të Kosovës. E nesër, nga qytetarët e Kosovës.
Një grua; një nënë e re, e përkushtuar për familjen dhe vendin e vet, që ka guxim dhe kurajo të përballet me valët e trazuara të qeverisjes së keqe e të kapjes së shtetit, meriton mbështetje të gjerë e të parezervë qytetare. IM
