Mustafa ia mbyll gojën VV-së: E duam Vjosën kryeministre sepse atë e kërkon anëtarësia

Kryetari i Lidhjes Demokratike të Kosovës, Isa Mustafa, ka bërë një status në profilin e tij zyrtar në Facebook në lidhje me polarizimet e fundit dhe sharjet nga simpatizantë e aktivistë të Vetëvendosjes.

Ai ka shprehur edhe një herë dëshirën dhe interesin për të formuar një koalicion parazgjedhor me Lëvizjen Vetëvendosje, por ka qenë i vendosur që pozita e kryeministres duhet t’i takojë zonjës Vjosa Osmani, dhe kjo për shkak të kërkesave të anëtarësisë dhe sepse duan qeverisje të mirë e pa korrupsion.

Mustafa ka thënë që nuk e nënvlerëson z.Albin Kurti dhe meritat e tij de se është i gatshëm që për të mirën e vendit të harrojë sharjet dhe sulmet që i ka bërë Vetëvendosje ndaj tij në të kaluarën.

“Bashkëpunimin e konsideroj proces të respektit reciprok. Kam gëlltitur të kaluarën, sepse e kam vlerësuar më lart interesin e vendit sesa vetëveten.” – shkruan profesor Mustafa.

Ai ka denoncuar mënyrën se si Vetëvendosje po provon të fitojë vota duke e share Lëvizjen Vetëvendosje dhe kandidaten e saj për kryeministre.

Ky është statusi i plotë i tij në Facebook:

Qytetarë të nderuar,
Jam angazhuar, i mbetem besnik idesë dhe përkushtimit që vendi të qeveriset nga partitë e deritanishme opozitare, LDK dhe Vetëvendosje. Në situatën në të cilën gjendemi, këtë e konsideroj zgjidhjen më të mirë.
Sikurse LDK, ashtu edhe Lëvizja Vetëvendosje ka specifikat e veta. Ka njerëzit me të cilët llogarit fitoren dhe qeverisjen. Kanë ambientin e brendshëm, që dallon.

Nuk i jap të drejtë LDK-së të përzihet se kush nga VV duhet të jetë Kryeministër i vendit. Por, nuk i jap të drejtë as VV të na caktojë sesi LDK duhet të vendosë për Kryeministrin dhe për njerëzit e fushatës.

Bashkëpunimin e konsideroj proces të respektit reciprok. Kam gëlltitur të kaluarën, sepse e kam vlerësuar më lart interesin e vendit sesa vetëveten.

Jemi shprehur pozitivisht për koalicion me VV në interes të forcimit të shtetit dhe dekriminalizimit të vendit.

LDK, nuk e kërkon Kryeministrin, sepse nënvlerëson z. Albin Kurti dhe meritat e tij. Por se vlerëson znj. Osmani dhe kërkesat e anëtarësisë. Vlerëson kompetencën e LDK-së, ekipin e saj, për qeverisje të mire e pa korrupsion. Kjo është arsyeja e kërkesës tonë për Kryeministër.

Në qoftë se jemi të bindur se edhe njërës edhe tjetrës palë i takon Kryeministri, kjo nuk do të thotë se duhet të hapim frontin ndërmjet veti. Kemi plot gjëra të mira që mund t’ia adresojë njëra palë tjetrës për bashkëpunimin tonë, por kemi edhe të këqia. Kjo nuk është mënyrë që ne të tentojmë të fitojmë vota. Më shumë preferoj të ndërtojmë front të përbashkët, para ose pas-zgjedhor, për t’ua pamundësuar PAN-ave dhe përkrahësve të tyre vazhdimin e shkatërrimi të shtetit. IM