7 orë më parëLabinot Tahiri: Nuk arrita të luftoj më 1999, por sot jam ushtar i Ramush Haradinajt në politikë
Periskopi(7 vite më parë)
(7 vite më parë)Aleanca për Ardhmërinë e Kosovës sot është me një anëtar më shumë. Labinot Tahiri, sot është pjesë e AAK’së. Në një tubim me simpatizantë të AAK’së, Tahiri ka thënë se nuk ka arritur që të jetë ushtar i Haradinajt gjatë viteve 1999, por është ushtar i Haradinajt në politikë. “E kam pritur këtë moment por […]
“E kam pritur këtë moment por e kam mbajtur në heshtje. Nuk kam qenë ushtar i Haradinajt më 1999 por ushtar i tij në politikë” tha Tahiri duke shtuar se “me nder e krenari do të vazhdojmë së bashku”.
Tahiri gjithashtu ka thënë se Haradinajn nuk e quan si “ish-kryeministër por kryeministër në vazhdimësi”.
Ai gjithashtu shtoi se e do Haradinajn so politikan por edhe si njeri që e ka çliruar atdheun, të cilin nuk arriti ta mposhtë Serbia, Rusia e as politikanët e Kosovës.
“Nuk e kam dashur si politikan, por si njeri që e ka çliruar atdheun e fëmijëve të mi që e gëzojmë sot. Ramush Haradinajn nuk e mposhti as Serbia, as Rusia, as një politikan në Kosovë e as gjyqet e ndalesat e ndryshme” tha Tahiri.
Ai madje i bëri thirrje kreut të AAK’së që të vazhdojë në të njëjtën mënyrë si deri tani.
“E lus të vazhdojë kështu e të mos rrëzohet asnjëherë. Të vazhdojë me neve e gjithë popullin që është vetëdijesuar që ta ndërtojë ardhmërinë këtu e të mos dalë rinia jashtë” tha ai.
Labinot Tahiri ka qenë pjesë e partisë së Behgjet Pacollit, e që nga sot rrugëtimin e tij politik e vazhdon me Ramush Haradinajn.
