4 orë më parëIsmaili: PDK e para, LDK dhe VV s’po guxojnë të shkojnë në zgjedhje si të ndara
Periskopi(7 vite më parë)
(7 vite më parë)Uran Ismaili është i bindur se Lidhja Demokratike e Kosovës dhe Vetëvendosje kanë frikë të shkojnë të vetme në zgjedhje, sepse, sipas tij, janë të vetëdijshme se do të humbin përballë PDK-së. Nënkryetari i PDK-së thotë se përpjekja e madhe e këtyre dy partive që të lidhin një koalicion parazgjedhor tregon qartë ankthin që i […]
Uran Ismaili është i bindur se Lidhja Demokratike e Kosovës dhe Vetëvendosje kanë frikë të shkojnë të vetme në zgjedhje, sepse, sipas tij, janë të vetëdijshme se do të humbin përballë PDK-së.
Nënkryetari i PDK-së thotë se përpjekja e madhe e këtyre dy partive që të lidhin një koalicion parazgjedhor tregon qartë ankthin që i ka përfshirë ato për ditën kur qytetarët do ta thonë fjalën e tyre se kush do ta drejtojë vendin në katër vjetët e ardhshëm.
“Tentimi i tyre që me çdo kusht ta ndërtojnë një koalicion parazgjedhor flet për pasigurinë e tyre për t’u përballur me elektoratin si të ndara, sepse i frikësohen mbështetjes popullore që po merr PDK. E dinë që jemi të parët. LDK dhe VV nuk po guxojnë të shkojnë në zgjedhje si të ndara. Për pushtet, ato po shkelin çdo parim dhe po i kërkojnë ndihmë njëra-tjetrës, edhe pse deri vonë LDK e quante VV-në të dhunshme, ndërsa VV e quante LDK-në të korruptuar”, ka deklaruar Uran Ismaili për Indeksonline.
Ismaili, po ashtu, ka thënë se dallimi mes PDK-së dhe LDK-së e VV-së është se Kadri Veseli po flet për plane konkrete për ta ndërtuar të ardhmen e Kosovës, duke e luftuar korrupsionin e nepotizmin dhe duke krijuar mundësi të barabarta, në mënyrë që të fuqizohet ekonomia dhe që rinia të mbetet këtu, ndërsa Isa Mustafa e Albin Kurti janë të fokusuar ekskluzivisht në problemet e tyre.
“Ju e shihni që preokupim i vetëm i LDK-së dhe VV-së, gjatë javëve të fundit, janë postet. Ndërkohë që, PDK dhe Kadri Veseli gjithë vëmendjen e kanë për qytetarët. Kjo flet mjaftueshëm, besoj”, ka deklaruar ai.
