10 minuta më parëIa sheh sherrin krejt bota: Tymi nga zjarret në Brazil arrin në 3 milionë e 200 mijë km2
Periskopi(7 vite më parë)
(7 vite më parë)Ndërsa zjarret në Siberi krijuan një ré tymi më të madhe se Bashkimi Evropian, në anën tjetër të botës, zjarret e maleve në Amazonë po shkaktojnë një fenomen me gati të njëjtën magnitudë. Santiago Gasso, hulumtues në qendrën Goddard të Nasas, alarmoi në Twitter se sipërfaqja e Amerikës Latine e mbuluar nga tymi ishte rreth […]
Santiago Gasso, hulumtues në qendrën Goddard të Nasas, alarmoi në Twitter se sipërfaqja e Amerikës Latine e mbuluar nga tymi ishte rreth 3 milionë e 200 mijë kilometra katrorë.
Kjo e krahasuar me sipërfaqen e tymit shkaktuar nga zjarret në Siberi (që ishte 7 milionë) dhe të zonës së BE-së (4,4 milionë) del të jetë goxha e madhe, raporton Euronews, përkthen Periskopi.
Shkencëtarët kanë theksuar që kjo madhësi e jashtëzakonshme tymi mund të ndikojë në motin lokal.
Gasso ka shpjeguar se tymi “jo vetëm që parandalonte energjinë solare që të arrinte në tokë”, por po ashtu ndalonte formimin e reve.
Në një studim të publikuar në revistën Shkenca më 2003, demonstrohej efekti ndërmjet ndotjes urbane të ajrit dhe tymit nga zjarret në reduktimin e formimit të reve, që rezultonte në ngrohjen e atmosferës dhe ftohjen e sipërfaqes.
Shteti brazilian i Amazonave deklaroi gjendje të jashtëzakonshme javën e kaluar për shkak të numrit të rritur të zjarreve në rajon./Periskopi
