4 orë më parëI vetëvrari në qendrën e paraburgimit akuzohej nga SHBA-të për vrasjen e gruas së tij
Periskopi(7 vite më parë)
(7 vite më parë)Në Qendrën e Paraburgimit në Pejë një person është gjetur sot i vdekur. Për të njëjtin, SHBA-të, kishin kërkuar ekstradim nën akuzat për vrasje. Bëhet fjalë për Binak Gjergjajn, i cili ishte në kërkim nga SHBA-të, pasi që akuzohet për vrasjen e gruas së tij, Afërdita Gjergjajt më 2001. Kjo e fundit u zhduk më […]
Në Qendrën e Paraburgimit në Pejë një person është gjetur sot i vdekur.
Për të njëjtin, SHBA-të, kishin kërkuar ekstradim nën akuzat për vrasje.
Bëhet fjalë për Binak Gjergjajn, i cili ishte në kërkim nga SHBA-të, pasi që akuzohet për vrasjen e gruas së tij, Afërdita Gjergjajt më 2001.
Kjo e fundit u zhduk më 26 shkurt të 2001-tës, pasi që ishte takuar me Binak Gjergjajn në Auburn Hills të Miçiganit për të diskutuar një çështje të kujdestarisë që përfshinte fëmijët e çiftit.
Gjatë hetimit të rastit, Gjergjaj ishte larguar nga Amerika për të ardhur në Kosovë.
Ai ishte arrestuar në qershor të këtij viti, teksa ndaj tij ishte caktuar masa e paraburgimit.
Rastin për vdekjen e Gjergjajt e kanë konfirmuar për Periskopin edhe nga Prokuroria e Pejës.
Kanë thënë se dyshohet se i njëjti është vetëvarur.
“Në qendrën e paraburgimit në Pejë, një i paraburgosur dyshohet se është vetvarur. Me urdhër të prokurorit të shtetit, trupi i pajetë i viktimës është dërguar për obdukim. Viktima ka qenë nën masën e paraburgimit, lidhur me kërkesën për ekstradim në SHBA”, ka thënë ai.
