Elezi nga KQZ: Asnjë koalicion nuk ka aplikuar

Këtë e ka konfirmuar zëdhënësi i KQZ-së, Valmir Elezi, në një lidhje direkte në Info Magazine në Klan Kosova.

“Deri më tani asnjë koalicion nuk është dorëzuar në KQZ”.

Elezi theksoi se partitë politike e kanë për obiligim që të deklarojnë koalicionet e tyre brenda afatit, 30 gusht deri në mesnatë.

“Është detyrim ligjor që partitë të deklarojnë koalicionet sot deri në mesnatë. Deklarimi i tyre pas këtij afati nuk numërohen si koalicione.”

Ai shtoi se afati deri më sot ka qenë vetëm për partitë që duan të garojnë në zgjedhjet e parakohshme të 6 tetorit si koalicion dhe jo për lista.

“Sot është afati vetëm për parti politike që dëshirojnë të garojnë me koalicione. Listat për deputetë dhe kërkesa për çertifikim për pjesëmarrje në zgjedhje bëhet në afat tjetër. Pra kjo bëhet deri më datë 06 shtator deri në mesnatë”.

Zëdhënësi i Komisionit Qendror Zgjedhor tregoi se koalicionet pas datës 30 gusht nuk mund të prishën.

“Partitë që mund të prishin koalicionet nuk mund të tërhiqen nga koalicionet pra nuk mund të bëjnë gara të vetëm pa koalicione.”