Zgjedhjet në Ukrainë: Presidenti humorist bën koalicion me partinë e yllit të rokut

Sikur të mos mjaftonte që një humorist të bëhej President, Ukraina tash duket se do ta bëj një yll roku si lojtarin kryesor politik të vendit.

Svyatoslav Vakarchuk, 44 vjeçari që udhëheq grupin e rokut Okean Elzy, duket se do të hyjë në parlamentin ukrainas pasi sondazhet tregojnë se partia e sapoformuar e tij Golos [Zëri] do të marrë 6 për qind të elektoratit.

Volodymyr Zelensky, ylli i humorit që shokoi kombin e tij duke fituar presidencën në muajin prill, menjëherë tha se ishte gati të fillonte bisedimet me Vakarchukun për të formuar koalicionin qeveritar, shkruan Periskopi.

Rokeri e bëri një listë të partisë së tij me profesionistë të rinj, shumë prej të cilëve të edukuar në perëndim, duke ndaluar ligjbërësit aktualë dhe të kaluar që të hynin në parti.

“Njerëzit votuan për ndryshime dhe ne jemi të lumtur që jemi pjesë e këtyre ndryshimeve,” iu kishte thënë Vakarchuk mbështetësve të partisë Golos pas daljes së sondazheve. “Jemi gati të marrim përgjegjësi.”

Këngëtari nuk e ndali këngën edhe gjatë fushatës së tij.

Ndërkohë që partia e Zelenskyt duket rrugës për të fituar zgjedhjet, por pa arritur shumicën./Periskopi