2 orë më parëTrump takon të mbijetuarat e dhunës seksuale: Turpërohet me injorancën e tij
Periskopi(7 vite më parë)
(7 vite më parë)Nadia Murad fitoi Çmimin Nobel për Paqe në vitin 2018 për fushatën e saj për t’i dhënë fund përdhunimeve seksuale të luftës. Për vite me radhë, e mbijetuara e gjenocidit ndaj grupit Yazidi, Nadia Murad, ka udhëtuar anë e mbanë botës duke folur për krimet e tmerrshme që i ka bërë Isis-i kundër popullit të […]
Për vite me radhë, e mbijetuara e gjenocidit ndaj grupit Yazidi, Nadia Murad, ka udhëtuar anë e mbanë botës duke folur për krimet e tmerrshme që i ka bërë Isis-i kundër popullit të saj, dhe e mori Çmimin Nobel për Paqe për ato përpjekje.
Por, pavarësisht që Donald Trump i jep vetes meritat për mposhtjen e grupit terrorist, ai u duk krejt i huaj me punën e znj.Murad kur të dy u takuan në Shtëpinë e Bardhë të mërkurën.
Derisa zonja Murad përfundoi së rrëfyeri Trumpit për ato që kishte përjetuar, se si familja i ishte vrarë në veri të Irakut më 2014, dhe për ikjen nga grupi terrorist, presidenti replikoi: “Dhe ti e more Çmimin Nobel? E pabesueshme. Për çfarë arsye ta dhanë?”
Më pas znj.Murad i kërkoi presidentit amerikan që t’i bënte presion autoriteteve irakiane e kurde që të bënin më shumë për të mbijetuarit e gjenocidit të Isisit, dhe t’iu lejonin yazidive që të riktheheshin në shtëpi.
“Por Isisi ka marrë fund, e tash janë kurdët dhe kush tjetër?” u përgjigj ai.
Më pas ai tha se “do ta shikonte çështjen tepër seriozisht”. /Periskopi
