5 orë më parëTë paktën 30 persona janë ftuar deri më tani nga Specialja
Periskopi(7 vite më parë)
(7 vite më parë)Së paku tridhjetë persona janë ftuar deri më tash nga Gjykata Speciale për intervistim në Hagë. Të ftuarit, prej ushtarëve të thjeshtë e deri në majën e hierarkisë së ish-Ushtrisë Çlirimtare të Kosovës, në cilësi të ndryshme kanë udhëtuar e do të udhëtojnë drejt qytetit holandez për t’u përgjigjur në pyetjet e prokurorëve rreth dyshimeve […]
Të ftuarit, prej ushtarëve të thjeshtë e deri në majën e hierarkisë së ish-Ushtrisë Çlirimtare të Kosovës, në cilësi të ndryshme kanë udhëtuar e do të udhëtojnë drejt qytetit holandez për t’u përgjigjur në pyetjet e prokurorëve rreth dyshimeve për krime në kohën e luftës dhe shkurt pas saj, në Kosovë, shkruan sot “Koha Ditore”.
I pari që kishte marrë ftesën për t’u paraqitur para prokurorëve të Speciales ka qenë komandanti i Zonës Operative të Llapit, Rrustem Mustafa-Remi. Kjo kishte ndodhur në dhjetor të vitit të kaluar, e ishte intervistuar në janar të vitit 2019.
Javën që po e lëmë, Specialja ka shtuar numrin e ftesave për krerët më të lartë të UÇK-së. Së fundi janë ftuar edhe Bislim Zyrapi, ish-shef i Shtabit të Përgjithshëm të UÇK-së, e Jakup Krasniqi, ish-zëdhënës e anëtar i SHP-së.
Këta nuk kanë treguar se në çfarë cilësie janë ftuar. Po këtë javë është ftuar edhe Sokol Bashota, ish-anëtar i Shtabit të Përgjithshëm, derisa konfirmimin për këtë e ka dhënë shefi i tij partiak Kadri Veseli.
