4 orë më parëSerbia dorëzon kërkesën për ekstradim të Tomor Morinës nga Maqedonia e Veriut
Periskopi(7 vite më parë)
(7 vite më parë)Ministria serbe e Drejtësisë i ka dorëzuar Maqedonisë së Veriut kërkesën për ekstradimin e ish-pjesëtarit të UÇK-së, Tomor Morina, i është konfirmuar agjencisë së lajmeve Tanjug nga kjo ministri. Morina u arrestua javën e shkuar në pikën kufitare Blacë, sipas fletëarrestit nga Interpoli. Ai në Serbi kërkohet nën dyshimet se kreu krime lufte kundër civilëve […]
Ministria serbe e Drejtësisë i ka dorëzuar Maqedonisë së Veriut kërkesën për ekstradimin e ish-pjesëtarit të UÇK-së, Tomor Morina, i është konfirmuar agjencisë së lajmeve Tanjug nga kjo ministri.
Morina u arrestua javën e shkuar në pikën kufitare Blacë, sipas fletëarrestit nga Interpoli. Ai në Serbi kërkohet nën dyshimet se kreu krime lufte kundër civilëve serbë në Kosovë.
E hetimin ndaj tij po e udhëheq Prokuroria serbe për Krime Lufte.
Krahas kërkesës për ekstradim, Serbia duhet të paraqesë edhe dokumentet lidhur me lëndën, ndërkaq vendimin se kushtet janë plotësuar për ekstradim do ta sjellë drejtësia maqedonase, raporton KTV.
Vendimin përfundimtar rreth kërkesës së Serbisë e sjell ministri maqedonas i Drejtësisë.
Në anën tjetër, reagime të shumta ka pasur lidhur me arrestimin e Morinës. Përpos zyrtarëve kosovarë, reagime pati edhe mes partive politike shqiptare në Shkup.
Por kryeministri maqedonas, Zoran Zaev ka thënë se në këtë rast do të respektohet ligji.
