4 orë më parëPacolli: Kosova përfaqësohet në mënyrë të privilegjur në ministerialin për Liritë Fetare
Periskopi(7 vite më parë)
(7 vite më parë)Zëvendëskryeministri i Kosovës dhe ministri i Punëve të Jashtme, Behgjet Pacolli në ministerialin mbi liritë fetare të thirrur nga Sekretari Amerikan i Shtetit, ka paraqitur mozaikun multietnik dhe multi-fetar të Kosovës. Pacolli ka shkruar se Kosova përfaqësohet në mënyrë të privilegjur në Ministerialin për Liritë Fetare “Kosova përfaqësohet në mënyrë të privilegjur në Ministerialin për Liritë […]
Pacolli ka shkruar se Kosova përfaqësohet në mënyrë të privilegjur në Ministerialin për Liritë Fetare
“Kosova përfaqësohet në mënyrë të privilegjur në Ministerialin për Liritë Fetare. Arritjet tona janë të njohura gjerësisht.
Falënderova Sekretarin Amerikan të Shtetit Mike Pompeo për mbështetjen e tij dhe atë amerikane ndaj Kosovës”, ka shkruar Pacolli.
Pacolli ka shkruar se liria fetare është një parim që ka rëndësi për ne, për shkak të historisë sonë, trashëgimisë sonë dhe të ardhmes sonë.
“Në rrugëtimin tonë përpara ne duhet të shohim përsëri në traditën tonë të gjatë të bashkëjetesës paqësore midis feve të ndryshme, ne, myslimanët, katolikët, ortodoksët, protestantët, hebrenjtë dhe shumë komunitete të tjera jetojmë së bashku në harmoni dhe bashkëjetesë. Kushtetuta e Kosovës promovon praktikimin e pakufizuar të besimit dhe i jep trajtim të barabartë të gjitha feve në Kosovë dhe pasuesve të tyre.
Ne kemi përfshirë instrumentet e Kombeve të Bashkuara dhe të Këshillit të Evropës si pjesë e sistemit tonë ligjor. Aktualisht Parlamenti ynë është duke punuar për të miratuar një ligj modern mbi liritë dhe të drejtat fetare që i imponon këto instrumente ndërkombëtare dhe parimet tona kushtetuese në legjislacionin kombëtar.
Kosova po krijon mekanizma institucionalë që do të forcojnë angazhimin e Qeverisë me të gjitha bashkësitë fetare në Kosovë. Kosova është një shembull në rajon dhe më gjerë në lidhje me tolerancën ndërfetare dhe bashkëjetesën e religjioneve. Ne do të promovojmë këtë vlerë dhe trashëgiminë e Kosovës dhe jemi të lumtur ta ndajmë atë në mbarë botën. Ne do të vazhdojmë të punojmë me qeverinë Amerikane për të adresuar rëndësinë e lirive fetare dhe për të marrë iniciativa të përbashkëta me partnerët tanë”, ka shkruar ai.
